Almaty áýejaıynda reıster keshigip jatyr

ALMATY. QazAqparat- Almaty halyqaralyq áýejaıynda reıs keshigip jatyr, dep habarlaıdy QazAqparat tilshisi.

Megapolıs áýejaıynyń onlaın tablosyna sáıkes, Almatydan Tarazǵa, Astanaǵa, Máskeýge, Atyraýǵa, Dýshanbege, Qostanaıǵa, Óskemenge 10 shaqty reıs keshigip jatyr.

SCAT áýe kompanııasynyń baspasóz qyzmetiniń habarlaýynsha, tizbekti keshigýler ártúrli sebepterge baılanysty. Máselen, Taraz qalasynyń áýejaıyndaǵy qolaısyz aýa raıy reıisterdiń keshigýine ákeldi. Sondaı-aq Keshe Shymkent qalasynyń áýejaıyn basqa tuman kúni boıy saqtaldy. Sol sebepti keıbir reısterdiń kestesi aýysty.

Jalpy Almaty áýejaıynyń baspasóz qyzmetiniń málimetinshe, áýejaı shtattyq rejımde jumys istep tur.

Buǵan deıin Azamattyq avıatsııa komıteti reıs keshikse, áýe kompanııalardan jolaýshylar ótemaqy talap ete alatynyn málim etken edi.