Almaty áýejaıynda reıster bógelýde
ALMATY. QazAqparat - Almaty áýejaıy mańynda áskerı ushaq apatqa ushyraǵandyqtan, reıster bógelýde, dep habarlaıdy QazAqparat tilshisi.
Ushý kestesine qarap, Almatydan Aqtaýǵa, Nur-Sultanǵa, Kókshetaý men Oralǵa júretin reıster bógelgendigin kórýge bolady. Áýejaıdyń baspasóz qyzmeti bul aqparatty rastady.
«Oryn alǵan oqıǵaǵa baılanysty ushý kestesinde azdaǵan ózgerister bar», - dedi Almaty áýejaıynyń baspasóz qyzmeti.
Eske sala ketsek, búgin Almaty áýejaıy mańynda áskerı ushaq apatqa ushyrady.
«Búgin 17:20-da Nur-Sultan-Almaty» baǵytynda ushyp shyqqan UQK áýe qyzmetiniń AN-26 ushaǵy apatqa ushyrady. Birden dabyl qaǵyldy. Oqıǵa ornyna apattyq qutqarý jasaǵy shuǵyl attandy. Aldyn ala taralǵan aqparatqa sáıkes, bort ushý qoný jolaǵynyń bas jaǵynda qulaǵan», - dedi áýejaıdyń baspasóz qyzmeti.
