Almaty áýejaıynda qylmystyq top Túrkııadan kontrabandalyq altyn ótkizbek bolǵan
ASTANA. QazAqparat - Almaty áýejaıynda Túrkııadan kontrabandalyq altyn buıymdar ótkizbek bolǵan qylmystyq toptyń joly kesildi, dep habarlaıdy UQK baspasóz qyzmeti.
«2018 jylǵy 25 mamyrda Almaty halyqaralyq áýejaıynda QR UQK Almaty qalasy boıynsha departamentiniń qyzmetkerleri júrgizgen jedel-izdestirý is-sharalary barysynda músheleri óz qyzmettik jaǵdaıyn paıdalana otyryp, Túrkııadan zergerlik buıymdar kontrabandasyn júzege asyrǵan uıymdasqan toptyń qylmystyq áreketiniń jolyn kesti», - delingen habarlamada.
Júrgizilgen is-sharalar nátıjesinde olardan 103 mıllıon teńge somasyna salmaǵy 13 keliden astam zergerlik buıym alyndy.
Osy fakti boıynsha QR QK 234-baby 3-b. 1-t. boıynsha qylmystyq is qozǵaldy. Qajetti jedel-tergeý is-sharalary júrgizilýde.
