Almaty áýejaıynda koronavırýsqa test tapsyrýǵa bolady
ALMATY. QazAqparat – Almaty halyqaralyq áýejaıynda COVID-19 vırýsyna test tapsyratyn múmkindik paıda boldy, dep habarlaıdy QazAqparat tilshisi.
Áýejaıda ashylǵan Testileý ortalyǵynyń Grinlab kz zerthanasynda tómendegideı dıagnostıka sharalarynan ótýge bolady:
PTR (3 gen, 1 lokalızatsııa) – adamnyń muryn aýyz qýysynan jaǵyndy alynady. Ol úshin 3 saǵat buryn tamaq ishýge, tis jýýǵa, saǵyz shaınaýǵa bolmaıdy.
Testileý quny - 15 500 tg. Taldaý nátıjesi 1 kúnde daıyn bolyp, klıenttiń poshtasyna jiberiledi.
PTR (3gen, 2 lokalızatsııa) – adamnyń aýyz jáne muryn qýysynan jaǵyndy alynady. Nátıjesi shamamen 1 kún ishinde daıyn bolady. Aldyn ala daıyndyqtyń qajeti joq.
Testileý quny – 17 500 teńge.
Qandaǵy antıdenelerdi anyqtaýǵa arnalǵan IFA-test shamamen 1 kúnde daıyn bolady. Testileý quny – 9 000 teńge.
Antıdenelerge ekspress test 15 mınýtta daıyn bolady. Testileý quny – 7000 teńge.
