Almaty áýejaıynda koronavırýsqa tekserý jumystary kúsheıtiledi
ALMATY. QazAqparat –Almaty qalasy ákiminiń orynbasary Erjan Babaqumarov COVID-19-ǵa zertteýler júrgizetin qala zerthanalarynyń basshylyǵymen kezdesti, dep habarlaıdy QazAqparat tilshisi.
Jıyn Almaty qalasy boıynsha taýarlar men qyzmetterdiń sapasy men qaýipsizdigin baqylaý departamentiniń basshysy, qalanyń bas memlekettik sanıtar dárigeri Jandarbek Bekshınmen birlesip ótkizildi. Basty maqsat — zerthanalardyń koronavırýstyq ınfektsııanyń jańa tolqynyna daıyndyǵyn talqylaý, qazirgi jaǵdaıdy baǵalaý jáne aldaǵy kezeńge reagentter qoryn qamtamasyz etý.
Búgingi kúni megapolıs aýmaǵynda COVID-19-ǵa polımerazdy tizbekti reaktsııa (PTR) ádisimen tekseretin 17 zerthana bar. Onyń qýattylyǵy táýligine ortasha eseppen 10 150. Naýryz aıynan bastap PTR ádisimen 550 myń zertteý júrgizildi. Bolashaqta zerthanalarda júrgiziletin zertteýlerdiń jalpy qýatyn táýligine 20 myńǵa deıin ulǵaıtý josparda.
Almatyda koronavırýsqa PTR-zertteýler júrgizetin 17 zerthana:
Modýldik zerthana;
- «Prıvat klınık Almaty» JShS;
Almaty qalasy boıynsha «USO» fılıaly;
- «OLIMP» KDZ JShS;
- Sanıtarlyq-epıdemııalyq saraptama jáne monıtorıng ǵylymı-praktıkalyq ortalyǵy;
- 12 I. Jekenova atyndaǵy QKJAA;
«El Lab PCR» JShS;
- Pedıatrııa jáne balalar hırýrgııasy UO AQ;
- «Akva Lab» JShS;
- «JQTB-nyń aldyn alý jáne oǵan qarsy kúres jónindegi ortalyǵy» ShJQ MKK»;
- «Medical Partners Korea Qazaqstan»JShS;
- M. Aıqymbaev atyndaǵy asa qaýipti ınfektsııalar ǵylymı ortalyǵy;
- «NurLab-2030» JShS;
- «Innosol» JShS;
- «Immýnotest» JShS;
- «Gamma Lab» JShS;
- M. Aıqymbaev atyndaǵy asa qaýipti ınfektsııalar ǵylymı ortalyǵy «Bıotehnologııa ulttyq ǵylymı ortalyǵy».
PTR jáne IFT zertteýler júrgizý qýatyn odan ári arttyrý múmkindigi boıynsha zerthana basshylary tyńdaldy.
Erjan Babaqumarov kúzgi-qysqy kezeńde qajettilik artqan jaǵdaıda PTR testileýin úzdiksiz júrgizý úshin reagentterdiń jetkilikti sanyn qamtamasyz etý qajettigine nazar aýdardy.
Sonymen birge, shetelden jolaýshylar aǵynynyń yqtımal ósýin eskere otyryp, Almaty halyqaralyq áýejaıy aýmaǵynda jedel dıagnostıkany qamtamasyz etýdiń, keletin kontıngentti tekserý boıynsha jumysty kúsheıtýdiń mańyzdylyǵy atap ótildi.
Halyqty PTR-dıagnostıkalaý rásimderiniń ashyqtyǵyn arttyrýǵa erekshe nazar aýdaryldy. Buǵan deıin megapolıs aýmaǵynda juqtyrý statıstıkasynda qala mańyndaǵy aımaqtarda da aýrý jaǵdaılary kórinis tapqany aıtylǵan bolatyn. Osylaısha, aqparattyq júıelerdi ıntegratsııalaý testilenetin qala turǵyndaryn esepke alý tıimdiligi men syrqattanýshylyq dınamıkasyn arttyrady.
