Almaty áýejaıynda kedenshiler 4 jarym mln. teńgeniń shetel valıýtasyn zańsyz alyp shyqpaq bolǵan azamatshany ustady
ALMATY. 6 naýryz. QazAqparat - Almaty qalasynyń Kedendik baqylaý departamenti qyzmetkerleri «Almaty - Shardja» baǵytyndaǵy áýe reısin tirkeý barysynda 1975 jyly týylǵan azamatshany áshkereledi.
Kúdiktini tekserý kezinde Keden organynda deklaratsııadan ótpegen, teńgege shaqqanda 4 mıllıon 522 myń 68 teńgeni quraıtyn 30 600 AQSh dollary tabyldy. Kórsetilgen erejelerge sáıkes, shyǵarylatyn aqshanyń jáne qarjylardyń jol cheginiń ortaq sommasy 10 000 AQSh dollarynan asyp ketse, jolaýshylar keden deklaratsııasynda mindetti túrde kórsetýi kerek.
Qazirgi tańda áshkerelengen bul jáıt boıynsha QR Qylmystyq kodeksiniń 250-babynyń 1-tarmaǵyna sáıkes qylmystyq is qozǵaý úshin Kedendik baqylaý departamenti tergeýge deıingi tekserý amaldaryn júrgizýde. Mundaı qylmystyq iste jeke dúnıeni tárkileýimen qatar 500-1000 aılyq eseptik kórsetkishi ólsheminde aıyppul salý nemese bir jyldan eki jylǵa deıingi merzimge túzetý jumystary, ıa bolmasa bas bostandyǵynan aıyrýdy sol merzimge deıin bostandyqty shekteýmen aýystyrý qarastyrylǵan.
