Almaty áýejaıynda qaıta qalpyna keltirý jumystary júrip jatyr

ALMATY. QazAqparat - Almaty halyqaralyq áýejaıynda jóndeý jumystary júrgizilip jatyr, dep habarlaıdy QazAqparat tilshisi.

Almaty qalasynyń áýejaıy ýaqytsha jumys istemeı tur. Bul jóninde mekemeniń baspasóz qyzmeti málim etti.

«Almaty halyqaralyq áýejaıynda qazir qalpyna keltirý jumystary júrgizilýde. Keltirilgen shyǵyn eseptelýde»,- dep habarlady vedomstvadan.

Buǵan deıin, terrorısterge qarsy arnaıy operatsııa barysynda Almaty áýejaıy bosatylǵany týraly jazǵan bolatynbyz.

Sonymen qatar, 19 qańtarǵa deıin toqtatylǵan reıster bıletterin aıyppulsyz qaıtarýǵa bolady.

Azamattyq avıatsııa komıtetiniń málimetinshe, 19 qańtarǵa deıin toqtatylǵan reısterge bıletterdi aıyppulsyz tolyq kaıtarym jasaýǵa nemese aıyrbastaýǵa bolady. Áýe bıletterin ınternetsiz Kaspi.kz qosymshasy arqyly jáne áýejaılardaǵy áýe kompanııalardyń kassalarynan satyp alýǵa bolady.