Almaty áýejaıynda qaýipsizdik sharalary kúsheıtildi

ALMATY. QazAqparat - Almaty áýejaıynda tekseris kúsheıtildi. Jolaýshylardyń endi reıske erterek kelgeni jón, dep habarlaıdy QazAqparat tilshisi.

Búginen bastap Almaty halyqaralyq áýejaıynda tekseris kúsheıtildi. ıAǵnı, áýejaıǵa kire beristegi termınalda qosymsha tekserý jelisi qoıyldy.

«Qazaqstannyń avıatsııalyq ákimshiliginiń ókimi boıynsha 12 qyrkúıekten bastap, jedel-aldyn alý is-sharalaryn júrgizýge baılanysty Almaty halyqaralyq áýejaıynda avıatsııalyq qaýipsizdikti kúsheıtý sharalary engizildi. Halyqaralyq tirkeý zalynyń aldyna qosymsha tekserý jelisi qoıyldy», - delingen resmı habarlamada.

Jolaýshylarǵa reısterine keshigip qalmas úshin áýejaıǵa erterek kelý usynyldy.

Aıta keteıik, bul qaýipsizdik sharasy 30 qyrkúıekke deıin jalǵasady.