Almaty áýejaıynda ınternet bolmaǵandyqtan birqatar reıster keshigip ushty

ASTANA. QazAqparat - Air Astana kompanııasy búgin birqatar áýe reısteri nelikten keshikkenin túsindirdi, dep habarlaıdy QazAqparat.

Air Astana áýe kompanııasynyń málimetinshe, búgin, 28 qyrkúıek tańǵy saǵat 04.00 shamasynda Almaty jáne Atyraý qalalarynda ınternet-provaıderdiń jumysynda aqaý baıqalǵan. Saldarynan eki qalanyń áýejaıynda ınternet durys jumys istemedi.

Baılanys bolmaǵan soń qyzmetkerler reıske tirkeý jumysyn qolmen júrgizgen. Bul Almaty qalasynda tańǵy áýe reısteriniń ortasha alǵanda 1,5 saǵatqa keshigýine alyp keldi.

Internet saǵat 8.40 kezinde ǵana qosylyp, qalypty jumys isteı bastady.

«Qazirgi tańda áýe tasymaldaýshy reıster kestesin birtindep qalpyna keltirip jatyr» dep habarlady Air Astana kompanııasynan.