Almaty áýejaıynda Gonkong azamaty 291 QR sheteldik tólqujaty blankisimen ustaldy
ASTANA. QazAqparat - «Almaty» ótkizý-baqylaý pýnktiniń shekaralyq narıady «Almaty-Gonkong» baǵytyndaǵy KS-929 reısin rásimdeý barysynda eki Gonkong azamatyn ustady, dep habarlady QR UQK ShQ baspasóz qyzmetinen.
Olardyń qol júkterinen 291 QR sheteldik ulttyq tólqujatynyń blankterin tabylyp, tárkilendi. Bulardyń 250-i kók tústi, 40 danasy kúreń qyzyl tústi bolyp shyqty, sondaı-aq kúreń tústi tólqujattyń bireýinde fotokartochka men baǵyttyq derekter jazylǵan.
Atalǵan tólqujattarmen birge qujatty túpkilikti daıyndap, paıdalanýǵa qajetti bir oram golografıkalyq lentanyń qosyla júrgendigi erekshe nazar aýdartady.
QR QPK 185-babyn basshylyqqa ala otyryp atalǵan derek boıynsha materıaldar UQK Almaty qalasy boıynsha departamentine jiberildi.
