Almaty áýejaıynda Ebola bezgegine kúdikpen ustalǵan er adamnyń saraptama qorytyndysy 18-20 saǵattyń ishinde belgili bolady
ASTANA. QazAqparat - Ebola bezgegine shaldyǵýy múmkin degen kúdikpen Almaty áýejaıynda ustalǵan adamǵa qatysty saraptama qorytyndysy 18-20 saǵattan keıin belgili bolady, dep habarlady QR Ulttyń ekonomıka mınıstrliginiń baspasóz qyzmeti.
15 naýryzda Almaty halyqaralyq áýejaıynda QR Ulttyq ekonomıka mınıstrliginiń Tutynýshylardyń quqyǵyn qorǵaý komıteti sanıtarlyq-karantındik pýnktiniń mamandary saǵat 6.55-te Gvıneıa-Stambul-Almaty baǵytyndaǵy №350 reıs jolaýshylarynyń arasynda bolǵan Ebola bezgegine kúdikti er adamdy kútip aldy.
«Epıdemııalyq tekserý barysynda mamandar aýrýdyń naýryzdan 9-nan 14-ne deıingi aralyqta Gvıneıada issaparmen bolǵandyǵyn anyqtady. Al ol otyrǵan ushaq sanıtarlyq turaqqa jóneltilip, bortta bolǵan126 jolaýshynyń barlyǵy qatań baqylaýǵa alyndy. Sondaı-aq ol 126 adammen qarym-qatynas jasaǵan.
Qazir naýqastyń dene qyzýy qalypty.Ázirge oǵan ótkir respıratorlyq vırýs juqtyrdy degen dıagnoz qoıylyp otyr», delingen habarlamada.
