Almaty áýejaıynda Dýbaıǵa 3 keli altyn alyp ótpek bolǵan Qytaı azamaty ustaldy
«Іshki ister mınıstrliginiń uıymdasqan qylmysqa qarsy kúres jáne ózindik qaýipsizdik jónindegi bólimsheleri Almaty qalasynyń halyqaralyq áýejaıy arqyly Birikken Arab Ámirlikterine baǵaly metaldardy zańsyz áketýdi júzege asyrmaq bolǵan qylmystyq top áreketiniń jolyn kesti. Kontrabanda memlekettik baqylaýdy aınalyp ótip, kólik polıtsııasynyń laýazymdy tulǵalaryna para berý arqyly júzege asyryldy», - dedi ol mınıstrliktiń baspasóz qyzmeti alańynda ótken brıfıngte.
Onń dereginshe, Almaty qalasynyń halyqaralyq áýejaıynda Kóliktegi polıtsııa departamentiniń Uıymdasqan qylmysqa qarsy kúres basqarmasynyń qyzmetkerine kedendik jáne shekaralyq baqylaý aımaǵy arqyly «sálemdemeni» alyp ótýi úshin 600 AQSh dollary somasynda para berý kezinde Qazaqstan Respýblıkasynyń azamaty ustaldy. Jeke tekserý barysynda odan 1200 AQSh dollary tárkilendi.
«Jedel-izdestirý is-sharalaryn júrgizý nátıjesinde áýejaı ǵımaratynda QHR azamaty ustaldy. Kúdiktiniń sybaılasy altyndy áýe arqyly Almatydan Dýbaıǵa jetkizýi kerek bolǵan. Onyń sómkesinen polıtsııa qyzmetkerleri salmaǵy 3 keli 200 gramm bolatyn altyn quımalaryn tapty. Onyń quny shamamen 84 mln teńgeden asady. Tergeý sotynyń sanktsııasymen qazaqstandyq kúdiktiniń turǵylyqty jeri boıynsha Almatydaǵy kottedjderdiń birinde tintý júrgizildi. Onda quımalardaǵy altyn men metaldyń mólsherin anyqtaıtyn elektrondyq tarazy men arnaıy qurylǵylar tárkilendi. Qazirgi ýaqytta kúdiktilerdi ýaqytsha ustaý ızolıatoryna qamaý týraly másele sheshilýde. Tergeý qymbat metaldyń shyǵý kózin jáne qylmystyq toptyń basqa da sybaılastaryn anyqtaýda», - dedi Shuǵyla Turlybek.
