Almaty áýejaıynda «bomba» qoıyldy degen aqparatqa baılanysty tekserý júrip jatyr

ALMATY. QazAqpart – Almatyda «bomba» qoıyldy degen «Forum» saýda oıyn-saýyq ortalyǵyn qalanyń shuǵyl jedel qyzmetteri tekserip shyqty. Nátıjesinde eshqandaı jarylǵysh zat tabylǵan joq, dep habarlaıdy QazAqparat tilshisi.

«Forum» saýda oıyn-saýyq ortalyǵynda tekserý jumystary aıaqtaldy. Ol jerden jarylǵysh zat tabylǵan joq. Saýda úıi qalypty rejımde jumys istep tur»,- dep habarlady polıtsııadan.

Vedomstva málimetinshe, «bomba» Almaty halyqaralyq áýejaıyna da qoıyldy degen aqparat bar.

«Qazir qalanyń shuǵyl jedel qyzmetteri Almaty halyqaralyq áýejaıyn tekserýge jumyldyryldy»,- dep habarlady qalalyq polıtsııa departamentiniń resmı ókili Saltanat Ázirbek.

Buǵan deıin megapolıstegi iri saýda ortalyqtarynyń birinen adamdardyń evakýatsııalanyp jatqany týraly jazǵan bolatynbyz.

Eske salaıyq, naýryz aıynyń aıaǵynda Almatyda birneshe nysanǵa bomba qoıylǵany týraly aqparat taraǵan edi.

Keıin Nur-Sultan men Almatyda ornalasqan birqatar ǵımaratqa jarylǵysh zat qoıyldy dep jalǵan habar taratqan adam ustaldy.