Almaty áýejaıynda arnaıy tehnıkalyq qurylǵylardy kontrabandalyq jolmen alyp ótpek bolǵan Qazaqstan azamaty ustaldy
ALMATY. 29 sáýir. QazAqparat /Ádilet Musahaev/ - Aǵymdaǵy jyldyń 27 sáýirinde Almatydaǵy halyqaralyq áýejaıda ornalasqan «Jetisý» keden baqylaý bóliminiń qyzmetkerleri arnaıy teknıkalyq zattardy alyp ótpek bolǵan Qazaqstan azamatyn ustady.
Kedendik tekseris kezinde №7933-shi «Pekın-Almaty» áýe reısimen kelgen áıel adamnyń qol sómkesinen beıne kamerasy, dybys jazý qurylǵysy jáne USB porty bar qalam tektes 4 arnaıy tehnıkalyq qural tabylǵan.
Qazirgi tańda atalǵan aıǵaq boıynsha alǵashqy málimetter jınalyp, Almaty qalasy Kedendik baqylaý departamentinde tirkelgen. Sondaı-aq sybaılas jemqorlyqpen kúres basqarmasymen tergeý jumystary júrgizilýde.
Sońǵy kezde zańsyz kontrabandalyq jolmen taýarlardy alyp ótý oqıǵalary jıilep ketken. Alaıda, Almaty qalasy KBD-ne qarasty «Jetysý» keden baqylaý bóliminiń qyzmetkerleri táýlik boıy kedendik erejeniń buzylýyna qarsy aıanbaı qyzmet etýde.
