Almaty áýejaıynda 6 reıs keshigip ushty
ALMATY. QazAqparat - Almaty Halyqaralyq áýjaıynda 6 reıs keshigip ushty, dep habarlaıdy QazAqparat tilshisi áýejaıdyń baspasóz qyzmetine silteme jasaı otyryp.
Almaty halyqaralyq áýejaıynyń habarlaýynsha, qańtardyń 21-i men 22-ne qaraǵan bir táýlik ishinde tómendegideı reıster keshigip jóneltildi.
Atap aıtqanda, «Air Astana» áýekompanııasynyń KC135 Almaty-Sankt-Peterbýrg reısi tehnıkalyq sebeptermen ýaqytynda usha almasa, KC953 Almaty-Astana jáne KC969 Almaty-Shymkent reısteri josparlanǵan rezervtik ushaqtyń jetispeýshiliginen keshikken.
Sondaı-aq, atalǵan áýe kompanııanyń KC875 Almaty-Máskeý ushaǵy jolaýshyǵa medıtsınalyq kómek kórsetilýine baılanysty kidirse, KC859 Almaty-Aqtaý reısi ushaqtyń keshigýi saldarynan der kezinde Aqtaýǵa attanbaǵan. Sonymen qatar, «Fly Dubai» áýekompanııasynyń FZ736 Almaty-Dýbaı reısi de ushaqtyń mezgilinde kelmeýine baılanysty ýaqytynda usha almady.
