Almaty áýejaıynda 3,5 myń jolaýshy tyıym salynǵan zat alyp ótpek bolǵan
ALMATY. QazAqparat - Almaty áýejaıynda jyl basynan beri 3,5 myń jolaýshy tyıym salynǵan zat alyp ótpek bolǵan, dep habarlaıdy QazAqparat tilshisi. Bul málimet Almaty halyqaralyq áýejaıynyń Feısbýktegi paraqshasynda jarııalandy.
«Alǵashqy jartyjyldyqta áýejaıdyń áýe qaýipsizdigi qyzmeti quramy túsiniksiz nemese tyıym salynǵan zattardy alyp ótpek bolǵan 3519 adamdy toqtatty.
Quqyq qorǵaý organdaryna 115 materıal berildi.
«Jolaýshylardyń qol júginen qarý, 2 sýyq qarý, 114 oq-dári tabyldy», - dedi áýejaıdyń baspasóz qyzmetinen.
Al áýejaı arqyly resmı túrde 2233 qarý ótken.
Kóp jolaýshylar ańshylyq quraldaryn alyp ótý erejesin bilmeıdi.
«Jolaýshylar ruqsat berilgen qarýdyń kez kelgen túrin kez kelgen kólemde alyp óte alady. Bul qarýǵa 5 keli oq-dári alyp ótýge ruqsat berilgen. Alaıda ol úshin jolaýshyda ańshylyq bıleti, qarýdy tasymaldaýǵa, ustaýǵa ruqsat qaǵazy bolýy shart. Reıske tirkeýge baratyn kezde bul qujattar kórsetiledi. Ushý kezinde qarý men oq-dári arnaıy konteınermen tasymaldanady. Ushyp kelgen soń ǵana jolaýshynyń qolyna beriledi», - dedi áýejaıdyń baspasóz qyzmetinen.
