Almaty áýejaıynda 12 reıs ýaqytynan keshigip jatyr
ALMATY. QazAqparat - Almatynyń halyqaralyq áýejaıynda reıster ýaqytynan keshigip jatyr, dep habarlaıdy QazAqparat áýejaıdyń tablosyndaǵy málimetterge silteme jasap.
Keshigip jatqandardyń qatarynda Almatydan Máskeýge shyǵýy tıis Aeroflot kompanııasynyń SU1941, Bishkekke ushýy tıis Air Astana kompanııasynyń KS109, Qaraǵandyǵa ushýy tıis KS311, Úrimjige ushýy tıis China Southern kompanııasynyń CZ6012 nómirli ushaqtary bar.
Sonymen qatar Almatyǵa Astanadan ushyp kelýi tıis Scat Airlines kompanııasynyń DV734, China Southern kompanııasynyń Úrimjiden ushyp kelýi tıis CZ6011, Bishkekten shyp kelýi tıis Air Astana kompanııasynyń KS 110, Qostanaıdan ushyp kelýi tıis Qazaq Air kompanııasynyń IQ366, Qaraǵandydan ushyp keletin KS312, Sankt-Peterbýrgten ushyp kelýi tıis Air Astana áýe kompanııasynyń KS316, Stambýldan ushyp keletin KS912, Kıevten ushyp keletin KS402 reısteri keshigýde.
Buǵan qosa Pavlodardan ushatyn Qazaq Air kompanııasynyń IQ362 reısine ushýǵa múldem tyıym salyndy.
«QazAqparat» HAA tilshisine jolaýshylardyń biriniń habarlanǵanyndaı, Almaty-Astana baǵytynda ushýy tıis KS991 reısi 1,5 saǵattan beri angarda tur. Ushqysh búgin Almatyda kúni boıy jaýyp jatqan qalyń qardyń saldarynan usha almaı otyr.
Ushqyshtar jolaýshylarǵa áýejaı mańynda muzdan qorǵaý sharalary júrip jatqandyǵyn aıtqan. Al, jolaýshylar bolsa ushaqtyń bortynda otyr, syrtqa shyǵýǵa múmkindik joq.
