Almaty áýejaıynda 11 reıs bógeldi
ALMATY. QazAqparat - Almaty halyqaralyq áýejaıynda ótken táýlikte 11 reıs bógeldi, dep habarlaıdy QazAqparat tilshisi.
Áýejaıdyń baspasóz qyzmeti habarlaǵandaı, kóbinese kidiristiń sebebi ótken táýlikterdegi kesteniń jańylýynan bolyp otyr.
Shymkentke shyǵatyn reıs aýa raıynyń qolaısyzdyǵyna baılanysty ushpady. Atap aıtqanda, Air Astana áýe kompanııasynyń: KC671 Almaty-Astana reısinde ushaqtyń keshigip kelýine baılanysty, KC971 Almaty-Shymkent reısinde aýa raıyna baılanysty, KC141 Almaty-Tbılısı reısinde ushaqtyń almastyrylýy sebepti, KC127 Almaty-Tashkent reısimen ushaqtyń keshigýine baılanysty, KC953 Almaty-Astana reısimen ushaqtardyń jetispeýshiligine baılanysty, KC995 Almaty-Astana reısimen ushaqtyń keshigip kelýine baılanysty másele týyndady.
Sondaı-aq Scat áýe kompanııasynyń: DV781 Almaty- Qaraǵandy reısinde ushaqtyń keshigip kelýine baılanysty, DV725 Almaty- Óskemen reısinde ushaqtardyń jetispeýshiligine qatysty, DV729 Almaty-Qostanaı jáne DV733 Almaty-Astana reısterinde ushaqtyń keshigip kelýine baılanysty, sondaı-aq DV706 Almaty-Shymkent reısinde ushaqtardyń jetispeýshiligine qatysty qıyndyqtar týyndady.
«Qazirgi tańda Almaty halyqaralyq áýejaıynda tiginen 3200 m, kóldeneńinen 1700 m qashyqtyq kórinip tur. Ushaqtardy qabyldaý men shyǵarýǵa shekteý joq», - dedi baspasóz qyzmetindegiler.
