Almaty áýejaıynda 1 mlrd teńgeden astam deklaratsııalanbaǵan aqsha anyqtaldy
2021 jyly Almaty áýejaıy arqyly shet elderge deklaratsııalanbaǵan 1 068 683 092 teńgeni jeke tulǵalar qolma-qol alyp ketpekshi bolǵan.
Bul týraly Memlekettik kirister komıteti habarlady.
Almaty qalasy boıynsha memlekettik kirister departamenti 2021 jyldyń qańtary men jeltoqsany aralyǵynda QR ÁQBtK 551-baby boıynsha 116 ákimshilik is toltyryp (taýarlardy, qolma-qol aqsha qarajatyn, aqsha quraldaryn deklaratsııalamaý nemese anyq emes kedendik deklaratsııalaý, kedendik qujattardaǵy málimetterdi anyq emes málimdeý), QR Qylmystyq kodeksiniń belgileri bar 4 faktiniń jolyn kesken.
Deklaratsııalanbaǵan qolma-qol qarajat somasy - 1 068 683 092 teńge , osy buzýshylyqtar boıynsha aıyppul - 3 383 720 teńgeden astam .
Mysaldarmen qarastyraıyq:
11.10.2021 jyly «Almaty-Frankfýrt» áýe reısiniń kedendik baqylaýynan ótkennen keıin ushý zalynda QR azamaty toqtatyldy, onda 37 000 evro mólsherinde deklaratsııalanbaǵan aqsha qarajaty anyqtaldy, ákimshilik quqyq buzýshylyq týraly is toltyrylyp, 29 170 teńge mólsherinde aıyppul salyndy jáne óndirildi.
10.08.2021 jyly Almaty qalasynyń halyqaralyq áýejaıynyń ushý zalynda №140 áýe reısine kedendik baqylaýdy júzege asyrǵannan keıin, «Tbılısı-Almaty» qatynasymen Belarýs Respýblıkasynyń azamaty toqtatyldy, onda 30 000 AQSh dollary mólsherinde qolma-qol aqsha qarajaty tabyldy, ákimshilik quqyq buzýshylyq týraly is toltyrylyp, 29170 teńge mólsherinde aıyppul salyndy jáne óndirildi.
26.07.2021 jyly «Jetisý» keden beketiniń qyzmetkerleri Almaty qalasynyń halyqaralyq áýejaıynyń ushý zalynda «Air Astana» áýe kompanııasynyń «Almaty-Tashkent» baǵytyndaǵy №127 reısimen ushyp shyqqan QR azamatyn ustady. Ustaý kezinde 100 500 AQSh dollary , sondaı-aq 85 000 teńge somasynda deklaratsııalanbaǵan aqsha qarajaty anyqtaldy. Materıal odan ári tergeý úshin Almaty qalasy boıynsha ETD QR AFM-ne berildi.
05.06.2021 jyly Almaty qalasynyń halyqaralyq áýejaıynyń ushý zalynda №1721 «Dýbaı-Almaty» áýe reısine kedendik baqylaýdy júzege asyrǵannan keıin QR azamaty toqtatyldy, onda 90 000 AQSh dollary somasynda qarajat tabyldy. Materıal odan ári tergeý úshin Almaty qalasy boıynsha ETD-ǵa berildi.
Memlekettik kirister komıtetinde atap ótkendeı, taýarlardy kedendik deklaratsııalaý kezinde jeke tulǵalar 10 000 (on myń) AQSh dollary balamasyna teń nemese odan aspaıtyn jalpy somadaǵy qolma-qol shetel valıýtasyn jáne (nemese) qolma-qol ulttyq valıýtany (baǵaly metaldardan jasalǵan monetalardy qospaǵanda) jáne jol chekterin kedendik deklaratsııasyz Qazaqstan Respýblıkasyna ákelýge nemese Qazaqstan Respýblıkasynan áketýge quqyly.
Kedendik deklaratsııalaý ótkiziletin qolma-qol aqshanyń jáne jol chekteriniń shyǵý tegi men maqsaty týraly málimetterdi kórsete otyryp, ákelinetin nemese áketiletin qolma-qol shetel valıýtasynyń, qolma-qol Ulttyq valıýtanyń jáne jol chekteriniń barlyq somasyna jazbasha nysanda kedendik deklaratsııa berý arqyly júzege asyrylady.
