Almaty áýejaıy shtattyq rejımde jumys isteıdi

ALMATY. QazAqparat - Almaty áýejaıy shtattyq rejımde jumys isteıdi. Bul týraly áýejaıdyń baspasóz qyzmeti málim etti, dep habarlaıdy QazAqparat tilshisi.

«Almaty áýejaıy shtattyq rejımde jumys isteıdi. Almaty halyqaralyq áýejaıy aýmaǵynda qaýipsizdik sharalarynyń kúsheıýine baılanysty jolaýshylardan reıske aldyn ala kelýlerińizdi suraımyz. Buryn jolaýshylar eki saǵat buryn kelse, endi 3,5 saǵat erte kelgeni durys» - delingen habarlamada.

Eske salaıyq, Almaty men Mańǵystaý oblysynda tótenshe jaǵdaı engizilgen bolatyn.

Sonymen qatar, Almatynyń tynyshtyǵy men beıbit ómirin saqtaý maqsatynda quqyq qorǵaý organdary qajetti sharalardy qabyldaýda. Qazir qaladaǵy jaǵdaı bılik baqylaýyna alyndy.