Almaty áýejaıy shtattyq rejımde jumys istep tur
ALMATY. QazAqparat - Aýa raıynyń qolaısyzdyǵyna qaramastan Almaty áýejaıy shtattyq rejımde jumys istep tur. Bul týraly áýejaıdyń baspasóz qyzmeti málim etti, dep habarlaıdy QazAqparat tilshisi.
«Almaty halyqaralyq áýejaıy shtattyq rejımde jumys istep jatyr. Meteojaǵdaıǵa baılanysty keıbir áýejaılarda ushaqtar keshigin jatyr. Almatydaǵy aýa raıy jaǵdaıyna (qarly jaýyn) jáne ekıpaj múshelerine baılanysty Lufthansa áýe kompanııasynyń bir ǵana reısi (Almaty-Nursultan-Frankfýrt) keshikti»,- dep habarlady Almaty halyqaralyq áýejaıynyń baspasóz qyzmeti.
Qazir onlaın kestege sáıkes Nur-Sultan, Shymkent, Bishkek, Dýbaı, Kókshetaý, Atyraýdan Almatyǵa ushatyn ushaqtar keshigip jatyr.
Eske salaıyq, Almatyǵa qalyń qar tústi. Qazirgi sátte qala aýmaǵynda qardyń qalyńdyǵy 15-18 sm, al taý bókterinde 30 sm jetti.
Qazgıdromettiń boljamynsha, qar búgin túske deıin jaýyp, tústen keıin toqtaıdy. Aýa temperatýrasy 15 aqpanda kúndiz 0-3 gradýs aıaz bolady.
