Almaty áýejaıy men metrosynda jolaýshylardy menıngıtten saqtandyrý sharalary jasalǵan
ALMATY. QazAqparat - Almaty áýejaıy medıtsına qyzmetiniń basshysy Saǵadat Nurımanov menıngokokk juqpasynyń taralýyna baılanysty saqtyq sharalary jóninde aqparat berdi, dep habarlaıdy QazAqparat tilshisi.
«Kóliktegi qoǵamdyq densaýlyq saqtaý departamenti qyzmetkerleri kúndiz-túni áýejaıda júr. Jolaýshylardan aýrý belgileri baıqalsa, biz dereý shara qoldanamyz. Búgin áýejaıda jolaýshy bala qusyp, maıly tamaqtan júregi aınyǵanyn anyqtadyq. Medıtsınalyq pýnkter jumys istep tur», - dedi Saǵadat Nurımanov.
Qaladaǵy epıdemıologııalyq jaǵdaıǵa baılanysty, Almaty metropolıteniniń baspasóz qyzmeti vagondardyń zararsyzdandyrylyp jatqanyn aıtty.
«Metropolıtenniń jyljymaly quramynyń salondarynda zararsyzdandyrý jumysy júrgizilip jatyr. Barlyq stantsııalarda medpýnkt jumys istep túr. Onda dene qyzýyn túsiretin dári-dármekter men jaqpa maılardyń, bir ret paıdalanatyn betperdelerdiń qory bar. Aýysymdaǵy qyzmetkerlerdiń dene qyzýyn qadaǵalynyp otyr», - dedi metropolıten baspasóz qyzmetinen.
