Almaty áýejaıy mańyndaǵy ushaq apatynan 4 adam qaza tapty – TJM aqparatty rastady
ALMATY. QazAqparat – Almatyda áskerı ushaq qulaǵan jerde qutqarýshylar jumys istep jatyr, dep habarlaıdy QazAqparat tilshisi QR Tótenshe jaǵdaılar mınıstrliginiń baspasóz qyzmetine silteme jasap.
Búgin, 13 naýryz kúni saǵat 17:25-te Almaty qalasy áýejaıynyń dıspetcherlik qyzmetine saǵat 17:22-de Nur-Sultan – Almaty baǵytyndaǵy AN-26 áskerı ushaǵy radardan joǵalyp, Almaty áýejaıynyń mańyna apatty jaǵdaıda qonǵany týraly aqparat kelip jetti.
Oqıǵa ornynda Órt sóndirý 11-bóliminiń (1,2) qyzmetkerleri, Respýblıkalyq jedel-qutqarý otrıadynan 9 adam, 1 tehnıka, 1 kınologııalyq qyzmetker, sonymen qatar Almatynyń qutqarý qyzmetinen 5 adam men1 tehnıka jumys istep jatyr.
Sonymen qatar, oqıǵa ornynda Ushýdyń izdeý-apattyq qamtamasyz etý qyzmetiniń 4 tehnıkasy men Almaty oblysy Órt sóndirý jáne qutqarý qyzmetiniń 2 tehnıkasy bar. Ushaqta shyqqan órt aýyzdyqtaldy.
Sondaı-aq ol jerde Almaty qalalyq qoǵamdyq densaýlyq saqtaý departamentiniń jedel-qutqarý jasaǵynyń 10 toby jumys istep jatyr.
Rastalǵan málimet boıynsha, áskerı ushaq apatynan 4 adam qaza taýyp, 2 adam Іle aýdanyndaǵy aýrýhanaǵa jetkizildi.
Eske sala ketsek , buǵan deıin áskerı ushaq apatyna baılanysty Almaty áýejaıynda birneshe ushaq reısteri bógelgendigi týraly jazǵan bolatynbyz.
