Almaty áýejaıy mańynda apatqa ushyraǵan ushaq qara jáshigindegi derekter anyqtalýda
NUR-SULTAN. QazAqparat - Qazaqstan Respýblıkasy Ulttyq qaýipsizdik komıteti Almatyda apatqa ushyraǵan ushaqtyń qara jáshigindegi derekter tekserilip jatqandyǵyn málim etti, dep habarlaıdy QazAqparat tilshisi.
«QR Úkimeti apatty anyqtaý úshin Ulttyq qaýipsizdik komıteti, Qorǵanys jáne Іshki ister mınıstrlikteriniń ókilderinen saraptamalyq komıssııa qurdy. Qazirgi kezde komıssııa músheleri áýe kemesi qulaǵan jerde. Borttaǵy qara jáshiktegi derekterdi anyqtaý boıynsha jumys júrgizilýde, onyń nátıjeleri jaqyn arada jarııalanady», - delingen QR UQK baspasóz habarlamasynda.
Qaza tapqandardyń týystary jáne jaqyndarymen psıhologtar jumys isteýde, sondaı-aq medıtsınalyq kómek kórsetýge Almaty qalasyndaǵy UQK aýrýhanasynyń mamandary qatysýda.
«E.Vasılkovtyń ata-anasynyń Petropavldan Almatyǵa ushýy úshin arnaıy bort uıymdastyryldy. Ulttyq qaýipsizdik komıteti qaza tapqandar men zardap shekkenderdiń otbasylaryna, sonyń ishinde ǵuryptyq is-sharalardy uıymdastyrýǵa qajetti materıaldyq jáne basqa da kómek kórsetý boıynsha jumys júrgizýde», - delingen delingen QR UQK baspasóz habarlamasynda.
Eske sala ketsek, Almaty áýejaıy mańynda áskerı ushaq apatqa ushyrap, 4 adam qaza tapty.
Sonymen qatar, Memleket basshysy áýe apatynyń sebepterin anyqtaýdy tapsyrǵan bolatyn.
QR Tuńǵysh Prezıdenti – Elbasy Nursultan Nazarbaev ushaq apatynan qaza tapqandardyń jaqyndaryna kóńil aıtty.
