Almaty áýejaıy kassasy aldynda jurt dúrligip jatyr ma - mınıstrlik jaýap berdi
NUR-SULTAN. QazAqparat - Áleýmettik jelide Almaty áýejaıynyń kassasy aldynda dúrlikken jurtshylyqtyń kóp ekendigi týraly aqparat pen vıdeomaterıal taraǵan bolatyn. Osyǵan oraı QR Indýstrııa jáne ınfraqurylymdy damı mınıstrligi resmı aqparat taratty, dep habarlaıdy QazAqparat tilshisi.
«Azamattardy áleýmettik jeliden alynǵan jalǵan málimetterge emes, resmı aqparattarǵa súıenýge shaqyramyz. Áýejaılar men bılet satatyn kassalalar shtattyq rejımde jumys istep tur, dúrbeleń baıqalmaıdy. Almaty men Nur-Sultan qalalarynyń áýejaılaryndaǵy qazirgi jaǵdaı týraly ózekti vıdeo usynamyz. Elimizdiń áýejaılary men kassalaryndaǵy jedel ahýal áýe aılaqtary basshylarynyń, áýe kompanııalary men quziretti memlekettik organdar ókilderiniń baqylaýynda», - dep atap ótken vedomstvo arnaıy túsirilgen vıdeomaterıaldy usynady.
Mınıstrlik málimetinshe, jolaýshylar qosymsha aqparatty myna telefon nómirlerine habarlasý arqyly áýejaılardyń ókildikterinen ala alady: Nur-Sultan qalasy +77172777723, +77012140388, Almaty qalasy +77773701266.
