Almaty áýejaıy qalypty jaǵdaıda jumys istep tur
ALMATY. 18 aqpan. QazAqparat /Ádilet Musahaev/ - Aýa raıynyń qolaısyzdyǵyna qaramastan Almaty áýejaıy jumys kestesi boıynsha qyzmet atqara beredi.
Bul jaıynda QazAqparat tilshisine áýejaı dırektorynyń orynbasary Baqytjan Ábdirasilov málim etti. Búgin Almatyda jańbyrdyń sebeleýine baılanysty qalany kók taıǵaq basyp tur. Sonyń saldarynan qaladaǵy kólik qozǵalystary baıaýlap, júrginshiler ábigerge túsýde.
B.Ábdirasilovtyń aıtýynsha, ushaqtardy qabyldaıtyn barlyq jolaqtarǵa muzǵa qarsy arnaıy eritindiler sebilýde, sondyqtan olardy qabyldap, ushyrý kezinde eshqandaı másele týyndamaǵan. Tek, reısterdiń tejelýine ákeletin basty másele tuman ekendigin aıtyp ótti ol.
