Almaty áýejaıy IKAO-nyń ІІІ sanattaǵy sertıfıkatyna ıe boldy

ALMATY. QazAqparat - QR IDM Azamattyq avıatsııa komıtetiniń bas memlekettik ınspektory Amantaı Qoqataev Almaty áýejaıynyń dırektory Bolat Erjanovqa joǵarǵy ІІІ V dárejeli sertıfıkat tabys etti. Bul qujat áýejaıdyń IKAO standarttaryna saı ekendigin bildiredi, dep habarlaıdy Qazaqparat tilshisi.

Almaty áýejaıynyń baspasóz qyzmeti habarlaǵandaı, qazannyń aıaǵynda áýejaıdyń ushý qoný jolaǵynda kúrdeli jóndeý jumystary aıaqtalǵan bolatyn. Sonymen qatar, jańa jaryq júıesi ornatyldy.

Endi TMD boıynsha osy standartqa saı keletin áýejaı tek Almatyda ǵana bar.

Al ushaqtar tabıǵattyń qolaısyz aýa raıynda da op-ońaı ushyp-qona alady.

«Bul bizdiń áýejaıymyz úshin asa mańyzdy mártebe. Biz sapany arttyrýǵa  bar kúshimizdi jumsaımyz. Jolaýshylardyń qaýipsizdigi úshin, áýejaıda qyzmet kórsetý sapasyn arttyrý ǵana emes, qalanyń ekologııalyq ahýaly da alańdaýshylyq týǵyzyp otyr. Bul joba bizdiń áýejaıymyzdyń jasyl áýejaıǵa aınalýyna yqpalyn tıgizdi», - dedi Bolat Erjanov.

Sonymen qatar, áýejaıdyń qaıta jańǵyrtýdan ótýi áýe kompanııalary úshin qarjylyq shyǵyndardy azaıtyp, elektr energııasyn tutynýdy  62%-ǵa deıin tómendetýge, kómirtegi gazyn 1 305,72 tonnaǵa deıin túsirýge múmkindik bermek.