Almaty áýejaıy halyqaralyq reıs jolaýshylarynyń kelý tártibin túsindirdi
ALMATY. QazAqparat – Almaty áýejaıynda halyqaralyq reıspen kelgen jolaýshylardyń arasynda qaýipsizdik sharalary qalaı saqtalatyny týraly aıtyldy, dep habarlaıdy QazAqparat tilshisi.
4 qazanda qala ákimi Baqytjan Saǵyntaev Halyqaralyq áýejaı terrıtorııasynda syrttan keletin jolaýshylar arasynda koronavırýs ınfektsııasyn taratýdyń aldyn alýda qaýipsizdik sharalaryn kúsheıtýdi tapsyrǵan bolatyn.
QR kóliktegi Bas memlekettik sanıtarlyq dárigeriniń qaýlysyna sáıkes qazaqstandyqtar PTR anyqtamasy bolmasa da, kele alady. Alaıda olar 7 kúndik karantınge jabylady.
Al PTR anyqtamasy joq shetel azamattary ushar kezde áýe kompanııasynyń bortyna otyrǵyzylmaýy kerek.
PTR testi joq jolaýshyna otyrǵyzǵan áýe kompanııasyna 4,5 mln teńge aıyppul salynady.
Ushaq bortynda jolaýshylardan tolyq anketa toltyrylady.
Sanıtarlyq qyzmet ókilderi jolaýshylardan anyqtama jınaıdy.
Almaty áýejaıyna túsken soń jolaýshylardyń mindetti túrde dene qyzýy ólshenedi. Ushaqtan túser kezde jolaýshylar ekige bólinip turady. Birinshisinde PTR taldaýy joq Qazaqstan azamattary bolsa, ekinshisinde PTR taldaýy bar jolaýshylar bolady.
Ary qaraı olardy arnaıy qyzmet ókilderi alyp ketedi. Birinshi qatardaǵy jolaýshylar birden statsıonarǵa jatqyzylady. Basqalaryna áýejaıdan shyǵa berýine ruqsat beriledi. Almaty áýejaıynda sanıtaızerler, qashyqtyqty saqtaýǵa arnalǵan belgiler jasalǵan.
«Ár halyqaralyq reıs kelgen saıyn kelý aımaǵy dezınfektsııaǵa jabylady», - dedi baspasóz qyzmetiniń mamany.
Sonymen qatar, termınalda COVID-19 taldaýdan ótýge bolady. Ekinshi qabatta PTR, IFA jáne ekspress-testileý júrgiziledi.
Ońtústik Koreıanyń Asiana Airlines kompanııasynyń ókili Vsevolod Kımniń aıtýynsha, Qazaqstan azamattary daqo Ońtústik Koreıaǵa PTR taldaýy bolmasa, kire almaıdy.
«Ońtústik Koreıa Úkimetiniń sheshimimen PTR anyqtamasy mindetti bolyp tabylady. 25 qazanǵa deıin Asiana Airlines tek Káris azamattaryn ǵana bortqa kirgize alatyn. Endi biz basqa el azamattaryn da tasymaladı alatyn boldyq. Biraq olardyń sany 100 aspaýy kerek», - dedi Vsevolod Kım.
Aıta ketý kerek, qazan aıynyń basynan bastap Almatyda 33 jolaýshydan KVI anyqtalyp, reısten túsirilgen bolatyn.
