Almaty áýejaıy aýmaǵynda gazdyń ıisi múńkip tur
ALMATY. QazAqparat - Almatylyqtar áýejaı aýmaǵynda jaıylǵan gazdyń ıisine shaǵymdandy. Túrksib aýdanynyń ákimdigi bul jaǵdaıǵa baılanysty túsinikteme berdi, dep habarlaıdy QazAqparat tilshisi.
Áýejaı jaqtan shyqqan gazdyń ıisi týraly aqparat áleýmettik jelide tarady. Turǵyndar ótkir ıis bas aýyrtyp, júrek aınytqanyn jazdy.
Túrksib ákimdigi bul jaǵdaıǵa baılanysty túsinikteme berdi.
«Gaz taratý stantsııasy gazdy odoranttaý jumystaryn júrgizdi. Bul gazdyń aǵyp jatqanyn bilý úshin qoldanylatyn tásil. Qazirgi ýaqyta jumys tolyq aıaqtaldy. Gazdyń ıisi 1-1,5 saǵatta joıylady. Apat bolǵan joq», - dep túsindirdi ákimdikten.
