Almaty áýejaıy anyqtama qyzmetiniń baılanys nómiri aýysty
ALMATY. QazAqparat - Almaty Halyqaralyq áýejaıy anyqtama qyzmetiniń qysqa nómiri aýysty, dep habarlaıdy «QazAqparat» tilshisi áýejaıdyń Facebook jelisindegi resmı paraqshasyna silteme jasaı otyryp.
«QR Investıtsııalar jáne damý mınıstrligi Baılanys, aqparattandyrý jáne aqparat komıtetiniń 2016 jylǵy 15 maýsymdaǵy №106 «Almaty qalasy jelilerine anyqtama-aqparattyq qyzmet úshin berilgen «1UV» nómirleý resýrsyn qaıtaryp, «1UV(X1(X2)) nómirine aýystyrý» buıryǵy negizinde 2017 jyldyń 5 qańtarynan bastap, «155» (Áýejaı anyqtama qyzmeti) qysqa nómiri «1550» nómirine aýysty» delingen habarlamada.
Eske sala keteıik, jaqynda Almaty áýejaıyna qala ákimi Baýyrjan Baıbek barǵan bolatyn. Ol áýejaıdyń Ýnıversıadaǵa daıyndyǵyn tekserdi. Shahar basshysy birqatar olqylyqtardy joıýǵa tapsyrma berdi.
