Almaty áýejaıy 415 mıllıon dollarǵa satyldy
ALMATY. QazAqparat –Túrkııalyq TAV Airports Holding holdıngi Almaty áýejaıy aktsııasynyń júz paıyzyn 415 mıllıon dollarǵa satyp aldy, dep habarlaıdy QazAqparat tilshisi kompanııanyń baspasóz qyzmetine silteme jasap.
TAV Airports holdınginiń konsortsıýmdaǵy úlesi 75 paıyzdan kem bolmaǵan. Alda qujattardyń barlyǵy zańdyq turǵydan rettelgen soń barlyq aktsııany tabys etý júzege aspaq.
Almaty áýejaıy TAV Airports Holding portfolesinde 15-shi bolyp tur.
Qazaqstan geografııalyq jaǵynan da, ekonomıkalyq jaǵynan da iri el. Almaty – ishki jalpy ónimniń 20 paıyzy tutynylatyn úlken qala. Odan basqa «zamanaýı Jibek jolynyń», ıaǵnı, Qytaı, Eýropa, Afrıkany baılanystyryp turǵan iri ortalyq. Onyń áleýeti zor. Biz ózimizdiń bilimimizge súıenip, is-áreketterdi júzege asyratyn bolamyz», - deıdi holdıngtiń prezıdenti jáne abs dırektory Sanı Shener.
