Almaty aýdanyndaǵy qylmys jıi jasalatyn oryndardy jaryqtandyrýǵa 500 mln teńge bólingen
ASTANA. QazAqparat – Elordanyń Almaty aýdany ákimidgi qylmys jıi jasalatyn oryndardy jaryqtandyrýǵa 500 mln teńge bóldi. Bul týraly Almaty aýdandyq polıtsııa basqarmasy basshysynyń orynbasary Marat Ómirbaev aıtty, dep habarlaıdy QazAqparat tilshisi.
«Almaty aýdanynyń ákimdigimen birlesip, vedomstvoaralyq komıssııanyń jospary sheńberinde qylmys jasaýǵa neǵurlym beıim oryndardy jaryqtandyrýǵa qatysty birneshe joba ázirledik. Ol úshin ákimdik 500 mln teńge bóldi. Sonymen birge, qosymsha 2 400 beınebaqylaý kameralary ornatylady. Beınekameralardy krımınogendi jerler men qazirgi tańda baqylaý múmkindigi joq aımaqtarǵa qoıý josparlanýda», - dedi basqarmasy basshysynyń orynbasary.
Sondaı-aq, Marat Ómirbaev urlyq faktileriniń aldyn alý úshin ekinshi deńgeıli bankterden pın-kodsyz tólem jasaý, tranzaktsııa júrgizý fýnktsııasyn alyp tastaýdy usyndy.
