Almaty aýdanyndaǵy 100% medqyzmetkerlerge vaktsına egildi
ALMATY. QazAqparat -Naýryzbaı aýdanynyń medıtsına qyzmetkerlerine josparly túrde 100% ekpe salyndy, dep habarlaıdy QazAqparat tilshisi.
Almatydaǵy №36 qalalyq emhananyń bas dárigeri Gúljaınat Tilegen atap ótkendeı, jalpy Naýryzbaı aýdany boıynsha 4 emhananyń 160 medıtsına qyzmetkerine ekpe salyndy.
«Onyń ishinde, bizdiń emhanymyzdan 84 qyzmetker bar. Bizdiń barlyq medıtsına qyzmetkerleri óz erkimen vaktsına alý týraly ótinish berdi. Egý alar aldynda barlyq qyzmetkerler dárigerdiń tekserisinen ótti. Munda dene qyzýy ólshenedi, epıdemıologııalyq anamnezi qaralady, ýytty zattarǵa degen áseri, júrek soǵysynyń jıiligi jáne taǵy basqalary. Eger temperatýrasy 37°S-dan asqan jaǵdaıda vaktsına salynbaıdy. Bir quty 5 adamǵa arnalǵan. Ekpeden soń qyzmetkerler jarty saǵattyń ishinde arnaıy qarastyrylǵan kabınette áriptesterdiń baqylaýynda bolady. Qazirgi tańda, ekpe alǵandardyń jaı-kúıi jaqsy, eshqandaı janama áser bergen emes», — dep aıtty Gúljaınat Tilegen.
10 adamnan somatıkalyq aýrýlar anyqtalǵandyqtan ekpe salý keıinge shegerildi. Bul qyzmetkerler densaýlyqtary jaqsarǵan soń saldyrady.
