Almaty aýdandyq sotynyń sýdıasy para alǵany úshin 4 jylǵa sottaldy

ALMATY. QazAqparat - Almatyda Bostandyq aýdandyq sotynyń sýdıasy Elvıra Ospanova para alǵany úshin 4 jylǵa bas bostandyǵynan aıryldy, dep habarlaıdy QazAqparat tilshisi.

Áýezov aýdandyq soty Ospanova Elvıraǵa qatysty QR QK 366-babymen azamattyq isti qarady.

Sot sheshimimen kúdikti azamattyq is boıynsha para alǵany úshin aıypty dep tanyldy. Onyń sýdıalyq ýákilettiligi 2019 jyldyń 13 qarashasynan toqtatyldy.

«Jaza taǵaıyndaý kezinde ant bergen azamattardy bas bostandyǵynan aıyrý – ádil úkim dep sanaımyz. Osyǵan baılanysty Ospanovany 4 jylǵa bas bostandyǵynan aıyryp, memlekettik qyzmetke taǵaıyndalýyna tyıym salyndy», - dedi qalalyq sottyń baspasóz qyzmeti.

Munyń aldynda Bostandyq aýdandyq sotynyń sýdıasy 3 myń AQSh dollary kóleminde para alǵan jerinen ustalǵany jazylǵan bolatyn.