Almaty aýdandyq soty men Salyq komıtetiniń ǵımaratynda jarylǵysh zatqa uqsas túıinshek tabyldy
ASTANA. 27 mamyr. QazAqparat - Búgin tańerteń Astanadaǵy Almaty aýdandyq soty men Saryarqa aýdandyq Salyq komıtetiniń ǵımaratynda skotchpen býylǵan belgisiz zat tabyldy.
Bul týraly QR Tótenshe jaǵdaılar mınıstrliginen habarlady.
Anyqtalǵandaı, foıede tabylǵan kúdikti túıinshek jarylǵysh zatqa uqsas bolǵandyqtan, ákimshilik ǵımarattan 500 adam qaýipsiz jerge shyǵarylyp, arnaıy is-sharalar júrgizildi.
Tótenshe jaǵdaıdy joıýǵa jumyldyrylǵan QR TJM Astana qalasy boıynsha TJD-nyń 10 adamy men 2 tehnıkasy, QR TJM «Ortalyq óńirlik aeroutqyr jedel qutqarý jasaǵy» MM-niń 4 adamy men 1 tehnıkasy tekserý barysynda jarylǵysh zat tappady.
