Almaty aýdandaryndaǵy sanıtarlyq jaǵdaı 5 baldyq júıe boıynsha baǵalanady
ALMATY. Naýryzdyń 4-i. QazAqparat /Erbol Azanbek/ - Almatyda aýdandyq ákimshilikterdiń sanıtarlyq tazalaý jáne aýmaqtardy kógaldandyrý boıynsha jumysyn baǵalaý baǵytynda jańa joba júzege asyrylady.
Bul joba boıynsha ár aýdannyń sanıtarlyq jaǵdaıy 5 baldyq júıe boıynsha baǵalanady, dep habarlaıdy QazAqparat qala ákiminiń baspasóz qyzmetine silteme jasap.
Bul joba qorshaǵan ortany qorǵaý baǵdarlamasy aıasynda júzege asyrylmaq. Joba boıynsha qalalyq ekologııalyq ınspektsııanyń ókilderi aýdandyq ákimshilikterdiń ókilderimen birge aýdandardy aralap, olardyń jaǵdaıyn baǵalaıdy. Bul baǵytta 1-shi tekserý 22-26 aqpan aralyǵynda ótkizilgen. Apta qorytyndysy boıynsha Medeý men Jetisý aýdandary úzdik dep tanylypty. Aýdannyń sanıtarlyq jaǵdaıyn baǵalaýǵa kósheler men júrginshiler jolynyń, aryqtar men park, gúlzarlardyń, qoǵamdyq oryndardyń, qoqys oryndaryndaǵy jaǵdaı negiz etip alynǵan.
