Almaty aýasynyń lastaný ındeksi 5-ke deıin tómendegen
ALMATY. QazAqparat - Almatyda atmosferalyq aýa lastanýynyń ındeksi 10 jyl ishinde 5-ke deıin tómendegen. Bul týraly búgin Almaty óńirlik kommýnıkatsııalar qyzmetinde qalalyq Ekologııa depratamentiniń basshysy Orman Aqqozıev aıtty, dep habarlaıdy QazAqparat tilshisi.
Ekolog mamandar sońǵy jyldary atmosferalyq aýaǵa tehnogendik júktemeniń tómendeýi baıqalyp jatqandyǵyn aıtty.
«Qazgıdromettiń málimetteri boıynsha atmosferalyq aýanyń lastanýynyń ındeksi (ALI) 5-ke deıin tómendegen (2009 jyly - 12.8, 2011 jyly - 9.1, 2016 jyly - 7, 2017 jyly - 5). Statıstıka komıtetiniń málimetteri boıynsha statsıonarlyq kózderden jalpy shyǵaryndylar kólemi 2014 jyly - 43,5 myń tonnany, 2015 jyly - 39,1 myń tonnany, 2016 jyly - 38,8 myń tonnany qurady. Osylaısha, jyl saıyn atmosferaǵa lastaýshy zattar shyǵaryndylarynyń kóleminiń tómendeýi baıqalýda», - dedi O.Aqqozıev.
Mamandardyń aıtýynsha, atmosferalyq aýanyń lastaýshy zattarynyń negizgi kózderine qorshaǵan ortany lastaýshy jylý elektr stansalary, ónerkásiptik kásiporyndar, avtokólikter jáne jáne kómir jaǵyp jylytylatyn jeke sektor jatady.
