Almaty aýasyndaǵy kólikten shyǵatyn benzapırenge qatysty taldaý nátıjesi jarııalandy
ALMATY. QazAqparat - Qazgıdromet Almaty qalasyndaǵy aýadaǵy benz(a)pıren quramyna qatysty birinshi aptadaǵy taldaýynyń nátıjesin jarııalady, dep habarlaıdy QazAqparat.
1 maýsymnan bastap QR Ekologııa, geologııa jáne tabıǵı resýrstar mınıstrliginiń «Qazgıdromet» RMK Almaty qalasynda atmosferalyq aýadaǵy benz(a)pırenniń quramyna monıtorıng júrgizedi.
Synama bes jerde, Amangeldi men Q.Sátbaev kósheleriniń qıylysynda, Raıymbek dańǵyly Naýryzbaı batyr kóshesiniń qıylysynda, «Aınabulaq-3» shaǵyn aýdany, «Aqsaı-3» shaǵyn aýdanynda, B. Momyshuly men Marechek kósheleriniń qıylysynda, «Tastaq-1» shaǵyn aýdany Tóle bı kóshesi 249-úıdiń janyna alynǵan.
«Almaty qalasyndaǵy atmosferalyq aýanyń synamalaryn irikteý jáne taldaý nátıjeleri boıynsha benz(a)pıren kontsentratsııasy 0,0002-0,0004 mkg/m3 sheginde, bul belgilengen normadan tómen (ShRSh = 0,001 mkg/m3)», delingen habarlamada.
Aıta keterligi, benz(a)pıren – kúshti kantserogendik belsendilikke ıe, óte ýly. Aǵzaǵa áser etý dárejesi boıynsha qaýiptiliktiń І (joǵary) synybyna jatady. Kómirsýtekti suıyq, qatty jáne gaz tárizdi otynnyń janýy kezinde paıda bolady (gaz tárizdi janý kezinde az dárejede), iri qalalarda kóbinese avtomobıl kóligi kóp bóledi.
foto: dela.ru
