«Almaty-Atyraý» baǵytyndaǵy jolaýshylar poıyzynda ýlanǵan balalar túgel saýyqty, alaıda olar áli de dárigerlerdiń jiti qadaǵalaýynda - N. Sádýaqasov
ASTANA. 5 tamyz. QazAqparat /Qanat Mámetqazyuly/ -«Almaty-Atyraý» baǵytyndaǵy jolaýshylar poıyzynda ýlanǵan balalar túgel saýyqty.
Degenmen, olar áli de dárigerlerdiń jiti qadaǵalaýynda. Bul týraly búgin elimizdegi epıdemıologııalyq jaǵdaıǵa qatysty Densaýlyq saqtaý mınıstrliginde ótken baspasóz máslıhatynda Memlekettik sanıtarlyq-epıdemıologııalyq qadaǵalaý komıteti, Bas memlekettik sanıtarlyq dáriger mindetin atqarýshy Nurlan Sádýaqasov málim etti.
«Jaqynda «Almaty-Atyraý» baǵytyndaǵy 39-shy jolaýshylar poıyzynda ótkir ishek ınfektsııasymen 38 bala aýrýhanaǵa jatqyzylǵan bolatyn. Bunda negizgi sebep vagon-restoranda qyzmet kórsetetin jeke kásipkerdiń tamaq daıarlaý barysyndaǵy sanıtarlyq talaptardy saqtalmaýynan bolyp otyr. Búgingi kúni balalar tolyq saýyqty, olarǵa keshendi medıtsınalyq kómekter kórsetildi. Degenmen de, dárigerdiń jiti qadaǵalaýynda», - dedi N. Sádýaqasov.
Onyń aıtýynsha, Almaty oblysy Talǵar aýdanynyń Besqaınar aýylynda 28 shilde 1 tamyz aralyǵynda 19 adamnyń «A» gepatıtine shaldyǵý jaǵdaıy tirkelgen. «Bul oqıǵaǵa qatysty negizgi aýrý taralǵan kóz sý qoımasynyń joǵary tusynan lastanýynda bolyp otyr. Búgingi kúni atalǵan ispen prokýratýra organdary aınalysýda. Bizdiń mamandar aýrýdyń taralmaýyna qatysty barlyq sharalardy júzege asyryp jatyr. Búgingi kúni ol aımaq baqylaýǵa alyndy, jurtshylyqqa, onyń ishinde jas balalarǵa profılaktıkalyq egý jumystary júrgizilýde», - deıdi N. Sádýaqasov.
