«Almaty-Atyraý» baǵytynda jańa júrdek poıyz jolǵa shyǵady

ASTANA. 4 maýsym. QazAqparat - 2013 jyldyń 8 maýsymynan bastap Almaty-2 vokzalynan «Almaty-Atyraý» baǵytymen «Saraıshyq» jańa júrdek poıyzy attanady.

«Tulpar-Talgo» vagondarynan quralǵan poıyz «Jolaýshylar tasymaly» Aktsıonerlik qoǵamyna tıesili.

Jańa poıyz kúnara qatynaıtyn bolady. Almatydan Atyraýǵa deıingi jol 35 saǵat 30 mınýtty quraıdy. Poıyzdyń jańa quramy 27 vagonnan turady, onyń 2-eýi - «Grand» (dýshy bar eki oryndyq), 2-eýi - «Bıznes» (eki oryndyq) jáne 18-i «Týrıst» sanatty (tórt oryndyq) jalpy jolaýshylar vagony. Sondaı-aq quramda 2 tehnıkalyq vagon, 1 vagon-konvertor, 1 vagon-bar men 1 meıramhana vagony bar. «Grand» sanatyndaǵy vagonda múmkindigi shekteýli azamattarǵa arnalǵan bir kýpe qarastyrylǵan. Kýpede dýsh, sanıtarlyq jeli, arnaıy jabdyqtalǵan esikter, jolserikti shaqyrý tetigi qamtylyp, dálizder jolaýshylardy otyrǵyzýǵa jáne túsirýge yńǵaılandyrylyp keńeıtilgen.

Atap óter jáıt, júrdek poıyzdy engizý arqasynda eń aldymen, joldaǵy ýaqyt 1,5 eseden artyq qysqartady. ıAǵnı, №77/78 poıyzdyń qozǵalysy Almaty-2 stansasynan Atyraýǵa deıingi joldy (2 695 shaqyrym) 49 saǵattan 35 saǵatqa deıin qysqartady.