Almaty-Astana jolynda bolǵan jol-kólik apatynda 6 adam qaza tapty
ALMATY. QazAqparat - Almaty-Astana jolynyń 32-shi shaqyrymynda jol-kólik oqıǵasy oryn aldy, saldarynan alty adam qaza tapty, dep habarlady Almaty oblysynyń ІІD baspasóz qyzmeti.
Apat Qaskeleń men Jambyl kenti arasynda oryn aldy.
«4 tamyzda shamamen saǵat 23.00 Mitsubishi Galant jáne Toyota Corolla kólikteri Almaty-Astana trassasynyń 32-shi shaqyrymynda soqtyǵysty. Apat saldarynan Mitsubishi Galant júrgizýshisi jáne onyń eki jolaýshysy oqıǵa ornynda qaza tapty. Sonymen qatar Toyota júrgizýshisi men eki jolaýshysy ajal qushty. 1995 jyly týǵan Toyota Corolla jolaýshylarynyń biri Qaskeleń aýrýhanasyna jetkizildi. Qazir atalǵan fakt boıynsha qylmystyq is qozǵaldy, sotqa deıingi tergeý amaldary júrgizilýde, saraptama taǵaıyndaldy. Ári qaraı protsessýaldyq sheshim qabyldanyp, júrgizýshilerdiń biriniń kinásy anyqtaldy», - dep habarlady oblystyq ІІD.
