«Almaty-Astana» trassasynyń tasqyn sýdan zardap shekken ýchaskesi qalpyna keltirildi - TJM
ASTANA. Naýryzdyń 15-i. QazAqparat - «Almaty-Astana» respýblıkalyq trassasynyń tasqyn sýdan zardap shekken ýchaskesi qalpyna keltirildi.
Al Almaty oblysynyń Kóksý aýdanyndaǵy temirjol ýchaskesin qalpyna keltirý jumystaryn dúısenbi kúni bastaý josparlanýda, dep habarlady Tótenshe jaǵdaılar mınıstrliginiń baspasóz qyzmetinen.
Naýryzdyń 9-y kúni «Almaty-Astana» jolynyń ýchaskelerin sý shaıyp ketip, ol ýchaskelerdegi qozǵalys toqtatylǵan bolatyn. Naýryzdyń 14-i kúngi saǵat 14.00-degi jaǵdaı boıynsha apattyń saldaryn joıý jumystary tolyq aıaqtalyp, kólik qozǵalysy qaıta jandandy, delingen mınıstrliktiń resmı habarlamasynda.
Sondaı-aq «Saryózek-Kóktal» tas jolyndaǵy juma kúni tasqyn sý shaıyp ketken kópirdi qalpyna keltirý jumystary jalǵasýda. Jeksenbi kúngi saǵat 22.00-degi jaǵdaı boıynsha, joldyń bir jaq bóligindegi qozǵalys jandandy, qazir onda avtokólikterdiń ótkizý rejimin úılestirý jumysy uıymdastyrylyp otyr.
