«Almaty - Astana - Qazan» temirjol qatynasyn ashý usynyldy
ASTANA. QazAqparat - Qazaqstannyń Tatarlar jáne bashqurttar kongresi «Almaty - Astana - Qazan» jańa temirjol qatynasyn ashýdy usyndy. Bastama jaıly Tatarstan prezıdenti Rýstam Mınnıhanov pen Qostanaı oblysynyń ákimi Arhımed Mýhambetovtiń kezdesýi barysynda belgili boldy, dep habarlady «QazAqparat» HAA tilshisi.
«Kezinde Qazaqstannyń Tatarlar jáne bashqurttar qaýymdastyǵy memlekettik organdar men avıakompanııalarǵa «Astana-Qazan-Astana» jáne «Almaty-Qazan-Almaty» avıareısterin ashý týraly tıisti ótinishpen shyqqan bolatyn. Búgin, ıntegratsııalyq baılanystardyń damýy men halyqtyń ótinishterin eskere otyryp, kún tártibine «Almaty-Astana-Qazan» marshrýty boıynsha tirkemeli vagon bólý máselesi shyǵaryldy», - dedi kongress basshysy Taýfıq Kárimov.
Sondaı-aq Tatarstan Prezıdentine Qazaqstandaǵy tatar jáne tatar-bashqurt etnomádenı uıymdarynyń jumysy jaıly áńgimelene kele, eki respýblıka arasyndaǵy iskerlik baılanystardy nyǵaıtý boıynsha birqatar bastamalar jetkizildi.
