«Almaty-Astana-Qazan» halyqaralyq poıyzy jolǵa shyqty
ASTANA. QazAqparat - Búgin Almaty-2 vokzalynan halyqaralyq № 303/304 «Almaty-Astana-Qazan» poıyzy saltanatty jaǵdaıdy saparǵa attandy. Bul jaıynda «Jolaýshylar tasymaly» AQ baspasóz qyzmetinen málim etti, dep habarlaıdy QazAqparat.
Saltanatty sharaǵa «Qazaqstan temir joly» ulttyq kompanııasynyń, Almaty qalasy ákimdiginiń, «Qazaqstandyq tatar jáne bashqurttar kongresiniń» ókilderi men temirjol salasynyń ardagerleri qatysty.
Buryn bul poıyz «Almaty-Ekaterınbýrg» baǵyty boıynsha qatynasa, endi «Qazaqstandyq tatar jáne bashqurttar kongresi» respýblıkalyq qoǵamdyq birlestiginiń ótinishinen soń poıyz marshrýty Qazan qalasyna deıin uzartyldy.
«Biz QTJ ulttyq kompanııasynyń basshylyǵyna zor rızashylyǵymyzdy bildiremiz. Eki el astanalary arasynda tikeleı qatynaıtyn poıyzdyń jolǵa shyǵýy Qazaqstannyń Táýelsizdigi merekesi men Astananyń 20 jyldyǵy qarsańyndaǵy eleýli oqıǵa»,- deıdi respýblıkalyq qoǵamdyq birlestiktiń tóraǵasy Taýfıq Kárimov.
Sondaı-aq, jıynǵa qatysýshylardyń aldynda «Jolaýshylar tasymaly» AQ vıtse-prezıdenti Edige Myhanov, Almaty qalasy ákiminiń orynbasary Marat Dáribaev, sóz sóılep atalǵan oqıǵanyń mańyzyna erekshe toqtaldy.
Barlyq memleketaralyq poıyzdarǵa jasalǵan jeńildikter osy poıyzǵa da jaraı beredi. ıAǵnı, 2018 jyldyń aıaǵyna deıin jolaýshylar erterek qam jasap aldyn ala bılet satyp alsa, 15 paıyzdan 55 paıyzǵa deıin jeńildikterge qol jetkizedi.
