«Almaty-Astana» avtojolynyń sý shaıyp ketken bóliginde qalyp qoıǵan adamdar men avtokólikter qutqarylýda
ASTANA. Naýryzdyń 10-y. QazAqparat - Tótenshe jaǵdaılar mınıstrliginiń taratqan aqparatyna sáıkes respýblıkalyq mańyzdaǵy «Almaty-Astana» avtojolynyń Almaty oblysy Jambyl aýdanyn basyp ótetin bóligin sý shaıyp ketti.
Tótenshe oqıǵa ornynan bir júk kóligi men 1 adam qutqaryldy, taǵy úsh kólik kómek kútýde.
Vedomstvodan habardar etkendeı, alynǵan aqparatqa baılanysty oqıǵa ornyna jetken qutqarýshylar kúre joldyń 194 jáne197-shi shaqyrymdar aralyǵyndaǵy 30 metr jer nóser saldarynan shaıylyp ketkenin anyqtaǵan. 194 pen195-shi shaqyrym aralyǵynda 7 adam, 3 jeńil jáne 1 «KamAZ» avtokólikteri qalǵan.
Qutqarýshylar «KamAZ» avtokóligimen bir adamdy qutqardy, bir jeńil kólik óz betimen shyqty. Eki jeńil kólik pen taǵy bir júk mashınasy kómek kútýde.
Eldi-mekenderdi sý basý qaýpi joq.
