«Almaty-Astana» avtojolynda kólik apatynan bes adam mert boldy

QONAEV. QazAqparat - «Almaty-Astana» avtojolynda kólik apatynan bes adam mert boldy, - dep habarlaıdy QazAqparat tilshisi

«26 shilde kúni saǵat 11:00-de «Toıota-Karolla» markaly avtokóliktiń 29 jastaǵy júrgizýshisi «Almaty-Astana» avtojolynyń 225 kılometrinde kele jatyp, qarsy jolaqqa shyǵyp ketip, «Toıota-Kamrı» markaly avtokólikpen soqtyǵysqanyn habarlaımyz. Apat saldarynan eki júrgizýshi men úsh jolaýshy oqıǵa ornynda alǵan jaraqattarynan qaza tapty»,- delingen Almaty oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, derek QR QK 345-baby boıynsha Jambyl aýdany PB-da tirkeldi. Qajetti saraptamalyq tekserýlerdi taǵaıyndaýmen tergeý is-sharalary júrgizilýde.