«Almaty Arýy - 2015» álemdik baıqaýda Qazaqstannyń namysyn qorǵaıdy
ALMATY. QazAqparat - «Almaty Arýy-2015» Qazaqstannyń namysyn «Álem Arýy» baıqaýynda qorǵaıtyn bolady. Bul jaıly búgin Almatyda ótken baspasóz máslıhaty barysynda belgili boldy.
Baıqaý dırektsııasy Almatynyń eń ádemi arýy halyqaralyq baıqaýda baq synaıdy degen sheshimge keldi.
Sulýlyq baıqaýyna kastıng 27 maýsymda bastalady. Qazirdiń ózinde 40 úmitker ótinim berdi.
«Jylda 200-ge jýyq boıjetken ótinish beredi. Olardyń ishinen 25 qyz iriktelip alynady. Keıin 2 aı boıy olar túrli qaıyrymdylyq jáne mádenı sharalarǵa qatysady. 2015 jyly ótetin mereıtoı óte kóp. Sondyqtan, bıylǵy baıqaýdyń taqyryby da osy datalarǵa baılanysty bolmaq. Fınal qyrkúıek aıynda bolady», - dedi baıqaý dırektory Sovet Seıitov.
«Qazaqstan arýy-2014» Regına Vandysheva atalǵan sharaǵa belsendi at salyspaq.
Ol qazir bıyl jeltoqsanda Qytaıda ótetin «Álem Arýy» baıqaýyna daıyndalyp jatyr.
