Almaty arnasynan asýy múmkin kólderdiń sýyn azaıtý jumystary aıaqtaldy
ALMATY. QazAqparat - Almatyda arnasynan asyp ketý múmkin bolǵan 3 taýdaǵy kóldiń sýlaryn azaıtý jumystary aıaqtaldy, dep habarlaıdy QazAqparat tilshisi qalalyq TJD basqarmasyna silteme jasaı otyryp..
«Úlken Almaty, Kishi Almaty jáne Aqsaı ózenderiniń basseınderinde meılinshe jaryp ótý qaýipi bolǵan taý kólderin bosatý jumysy jalǵasyp jatyr. Búgingi tańda muzdaqtardan keletin sýdy burý kórsetkishi 1,3 esege kóbeıdi. Sonymen, búgingi tańda Úlken Almaty, Kishi Almaty jáne Aqsaı ózenderiniń basseınderinde ornalasqan № 1 bıs jáne № 1 A, № 7 kólderindegi jumystar aıaqtaldy» , - delingen habarlamada.
Sý deńgeıin tómendetý ornatylǵan sıfondar men evakýatsııalyq arnalar kómegimen jáne ónimdi sorǵylar arqyly jasaldy.
«Jalpy, jumys bastalǵaly 9 kólden shamamen 3 mln tekshe metr sý jiberildi. Qazirgi kezde 9 kóldiń eshqaısysynan Almatyǵa tónetin qaýip joq», deıdi TJD baspasóz qyzmetinen.
