«Almaty aportynyń jańarýy» ataýymen aǵashtar otyrǵyzylmaq
ALMATY. 19 mamyr. QazAqparat /Ádilet Musahaev/ - Aǵymdaǵy jylǵy 21 mamyrda Ó. Joldasbekov atyndaǵy Stýdentter saraıynyń janynda «Almaty aportynyń jańarýy» ataýymen aǵash otyrǵyzý is-sharasy ótkiziledi.
Bul ıgi is-sharany ótkizýge Ál-Farabı atyndaǵy QazUÝ, Qazaqstannyń Brıtandyq túlekter klýby, PosadiDerevo.kz, Qazaqstan men Qyrǵyzstandaǵy Brıtandyq Keńestiń dırektory Lına Mıloshevıch hanym, Zaltsbýrg ýnıversıtetiniń vıtse-rektory Djozef Strobl myrza, sonymen qatar «Rıngo» toby, Azamat Mádiǵulov, Mádına Sádýaqasova, VJ Dıas Ázimjanov jáne t.b. Qazaqstan estrada juldyzdary muryndyq bolyp otyr. Aktsııa sońynda aǵashtardy kútýshilerge baqylaý sertıfıkat-mindeti tabystalyp, barlyq qatysýshylarǵa syılyqtar beriledi.
Sharany uıymdastyrýshylar bul ıgi is Almaty aportynyń jańarýyn, turaqty genofondyn qurýyn, qalany árlendirý men kógaldandyrý máselelerin sheshý joldaryna qoǵamnyń nazaryn aýdartady degen senimde.
