«Almaty-Antalıa» áýe reısi arqyly 3 keli altyn tasymaldamaq bolǵandar sottaldy

ALMATY. QazAqparat - Almatyda asa iri kólemde altyn kontrabandasymen aınalysqan qylmystyq topqa qatysty sot úkimi shyqty, dep habarlaıdy QazAqparat Qarjylyq monıtorıng agenttigine silteme jasap.

Qylmystyq áreketti Almaty qalalyq Ekonomıkalyq tergep-tekserý departamenti jáne Almaty qalalyq UQK departamentiniń qyzmetkerleri birlesip toqtatty.

«Tergeý barysynda zergerlik buıymdardy satý salasyndaǵy eki kásipkerdiń «Almaty-Antalııa» áýe reısi arqyly quny 68 mln teńge jalpy salmaǵy 3,1 keli birneshe altyn quımany tasymaldaýǵa tyrysqany anyqtaldy. Ekonomıkalyq kontrabandaǵa áýe kompanııalardyń biriniń eki qyzmetkeri kómektesken», delingen habarlamada.

Sot úkimimen aıyptalýshylar ekonomıkalyq kontrabandany aldyn ala sóz baılasý arqyly asa iri kólemde jasaǵany úshin kináli dep tanyldy.

Eki uıymdastyrýshyǵa árqaısysyna 3,3 mln teńge aıyppul túrinde, eki sybaılasqa – 100 saǵatqa májbúrli eńbekke tarta otyryp, bostandyǵyn 1 jyl merzimge shekteý túrinde jaza taǵaıyndaldy.

Tárkilengen altyn memleket kirisine aınaldyryldy.